Arslan.mn

“Газрын тос боловсруулах үйлдвэр байгуулах төсөл”-ийн хүрээнд Дорноговь аймгийн Сайншанд сумын нутаг дэвсгэрт баригдах ГТБҮ-ийн 550 айлын хотхон байгуулах төслийн гүйцэтгэгч компаниудад 4.1 тэрбумын санхүүжилтийг олгосон ч барилгын ажлууд зогссоноос хүүгийн төлбөр нэмэгдсэн болох нь аудитын шалгалтаар илэрчээ. 

Товчхондоо, “Газрын тос боловсруулах үйлдвэр" ТӨХХК-ийн захирал Д.Алтанцэцэг нь ГТБҮ-ийн 550 айлын хотхон байгуулах төслийн туслан гүйцэтгэгч компаниудад 4.2 тэрбум төгрөгийн санхүүжилт олгож, үүнийхээ хүүнд 519.7 сая төгрөг төлж, үр ашиггүй ажилласан талаар хэвлэлүүд мэдээлж буй.

Тэгвэл төсвийн мөнгийг үр ашиггүй зарцуулж суугаа Д.Алтанцэцэгийн ХОМ-ийг хүргэж байна.

Тэрбээр 2023 оны хөрөнгө орлогын мэдүүлэгтээ “өөрөө 111 сая төгрөгийн орлоготой гэсэн бол гэр бүлийн орлогогүй хэмээн мэдүүлжээ. 

Мөн 691 сая төгрөгийн үнэ бүхий  2 орон сууц, зуслангийн байшинтай, 12 сая төгрөгөөр үнэлэгдэх Жийп болон туулах чадвар өндөр Toyota Hilux- маркийн  машинтай  хэмээн мэдүүлжээ.

Мөн 30 сая төгрөгийн үнэ бүхий  эзэмших газартай,  малгүй, 38 сая төгрөгийн үнэт эдлэлтэй  гэжээ.

Түүнчлэн 278 сая төгрөгийн хадгаламжтай, зээлгүй байна.