Arslan.mn

Монголбанкны ерөнхийлөгчийн 2014 оны нэгдүгээр сарын 20-ны өдрийн А-15 тоот тушаал гарчээ. "Орон сууцны ипотекийн санхүүжилтийн журам"-д нэмэлт өөрчлөлт оруулах тухай энэхүү тушаал дагуу шаардлага хангасан малчин өрх ипотекийн зээл авах боломжтой болсон байна. Тухайлбал, дээрх тушаалын 5.8.1-д малчин өрхийн жилийн тогтмол бус орлогыг банк хадгаламж хэлбэрээр байршуулж, энэхүү хадгаламжаас орон сууцны ипотекийн зээлийн төлбөрийг сар бүр төлүүлнэ. Энэ тохиолдолд банк малчин өрхийн байршуулсан хадгаламжид зах зээлийн нөхцөлөөр хүү төлнө гэж заасан байна.