Arslan.mn

АНУ-аас Монгол Улсад суугаа Элчин сайд Женифер Зимдал Галт, ЭСЯ-ны дэд тэргүүн Мануэл Микаллер болон батлан хамгаалахын атташе Майкл Доршнер нар Афганистан дахь “Шийдвэртэй дэмжлэг” ажиллагаанд оролцож, албаа амжилттай дуусгаад ирсэн монгол цэргүүдийг угтаж авчээ. Энэ үеэр Элчин сайд Женифер Зимдал Галт “АНУ-ын Засгийн газар дэлхийн энх тайвныг сахиулах үйлсэд Монгол Улс тогтмол хувь нэмрээ оруулж байдагт талархал илэрхийлж байгааг уламжилсан байна.

Манай улсын зэвсэгт хүчний цэрэг, офицерууд Өмнөд Судан Улс дахь НҮБ-ын энхийг дэмжих ажиллагаа, Афганистан Улсад явагдаж байгаа “Шийдвэртэй дэмжлэг” ажиллагаа  зэрэг энхийг сахиулах ажиллагаануудад идэвхтэй оролцож ирсэн юм.