Arslan.mn

Баянгол дүүргийн Хөдөлмөр, халамжийн үйлчилгээний хэлтэс, Швейцарийн хөгжлийн агентлагийн Залуучуудын хөдөлмөр эрхлэлтийг дэмжих төслийн нэгж хамтран "Залуучуудын хөдөлмөр эрхлэлтийн үйлчилгээний загвар төв"-ийг 2018.02.26-ны өдөр нээлт хийж үйл ажиллагаа эхлүүлэх болно. 

Залуучуудын хөдөлмөр эрхлэлтийн үйлчилгээний загвар төвийн зорилго: 

Хөдөлмөрийн зах зээлд хөл тавьж байгаа залуучууд, ялангуяа дөнгөж сургууль төгссөн, ажлын бага туршлагатай залуучуудыг идэвхижүүлэхэд чиглэнэ. 

Үйл ажиллагааны зорилт:

- Залуучуудыг ажил идэвхтэй хайж, олоход дэмжлэг үзүүлэх үүднээс тэднийг идэвхжүүлэх, өөртөө итгэх итгэлийг нэмэгдүүлэх.

- Ажил хайгч бүрийн онцлогт тохируулан хөдөлмөр эрхлэлтийн хувийн төлөвлөгөө гаргах

- Ажил хайгчийг бүлгийн сургалт, үйл ажиллагаанд хамруулах замаар тэдний хөдөлмөр эрхлэх чадварыг хөгжүүлэх

- Залуучуудын хөдөлмөр эрхлэлтийг дэмжих хөтөлбөрийг нэвтрүүлэх (Залуучуудын гарааны бизнес)