Arslan.mn

Улсын онцгой комиссын шийдвэрийн дагуу Улаанбаатар-Казахстан-Улаанбаатар чиглэлийн ОМ-7166 тусгай онгоц өнөөдөр орой 20:50 цагт “Буянт -Ухаа” олон улсын нисэх буудалд газардлаа.

Уг нислэгээр 264 иргэн эх орондоо ирсэн юм. Буянт-Ухаа боомт дахь Хилийн мэргэжлийн хяналтын албаны улсын хоёр байцаагч нислэгийн явцад зорчигчдын эрүүл мэндэд тандалт хийж, заавар зөвлөмж өгчээ. 

Агаарын хөлөг газардсаны дараа тус албаны улсын /ахлах/ байцаагчид халдвар хамгааллын дэглэмийн дагуу хариу арга хэмжээ авч ажилласан байна. Иргэдийг ХӨСҮТ, ЦТЭ,  “Альфа”, “Хабу”, “Ивээлэн” зочид буудал, “Багабаян” амралтын газарт тусгаарлах аж.