Arslan.mn

Яармагийн зам дээр хоёр өдөр дараалан явган хүний гарцаар гарч байсан бага насны хүүхэд машинд мөргүүлсэн осол гарсан. Иргэдийн зүгээс сошиал орчинд Яармагийн зам дээр гарч буй ослын шалтгааныг сонгуулийн сурталчилгааны самбартай холбож их шүүмжлэлтэй хандаж байна. Тэрээр Ардчилсан нам, ХҮН намынхан том хэмжээтэй сонгуулийн материалуудаа замын голд байршуулж, үзэгдэх орчинг хязгаарлан, явган тэр тусмаа хүүхдүүдийн аюулгүй байдалд заналхийлж байгаа хэмээжээ.

Хүүхэд дайруулаад тав хоноход дээрх намынхан алдаа дутагдлаа хүлээн зөвшөөрөхгүйгээр үл барам "Манай материалаас болж хүүхэд дайруулаагүй" гэсэн утгатай зүйл яриад явах нь хэр зохимжтой вэ? 

Тэгвэл МАН сурталчилгааны материалаа иргэдээс ирсэн саналыг хүлээн авч, замын хажуугаар үзэгдэх орчинг хязгаарлахгүйгээр байрлуулсан нь дээрх зурагнаас тодхон харагдана. Сонгуулийн үед өөрийгөө олонд таниулах нь чухал ч ЭРДЭНЭТ хүний амь нас түүнээс чухал гэдгийг санаж, дүрмийн дагуу сурталчилгааны самбараа байршуулахыг уриалж байна. 

Үүнээс гадна жолооч та бүхэн явган хүний гарц руу ойртон ирэхдээ хурдаа хасаж, гарцаар гарч буй явган зорчигчид зам тавьж өгч байхыг, мөн эцэг, эхчүүд 10 хүртэлх насны хүүхдийг харгалзах хүнгүйгээр замын хөдөлгөөнд явганаар оролцуулахгүй байхыг ТЦА-аас анхааруулж байна.