Arslan.mn

Улсын дээд шүүхэд нэр дэвшигчийг Шүүхийн ерөнхий зөвлөл сонгон шалгаруулж УИХ-д танилцуулдаг. Үүний дагуу  УИХ-ын Хууль зүйн байнгын хорооны өнөөдрийн хуралдаанаар Улсын Дээд Шүүх (УДШ)-ийн Захиргааны хэргийн давж заалдах шатны шүүхийн шүүгчид нэр дэвшигчдийн асуудлыг хэлэлцсэн бөгөөд нэр дэвшигч С.Батхүлэгийг эрх ашгийн зөрчилтэй хэмээн тодотгож, улмаар гишүүд дэмжихгүй гэдгээ илэрхийлж, хуралдааныг орхин гарлаа.

Гишүүдийн эсэргүүцэж байгаа нь нэр дэвшигч С.Батхүлэг нь Голомт банкны хууль, хуулийн хэлтсийн захирал, удирдлагын зөвлөхийн ажлыг 10-аад жил хийсэнтэй холбоотой байсан.

УДШ-ийн шүүгчид нэр дэвшиж буй С.Батхүлэг гэж хэн бэ

УИХ-ын гишүүдийг дургүцэхэд хүргэсэн Улсын дээд шүүхийн шүүгчид нэр дэвшигч Сүхдоржийн Батхүлэг нь 1978 онд Ховд аймагт төрсөн, 42 настай, эхнэр, 3 хүүхдийн хамт амьдардаг. 1986-1996 онд Сэлэнгэ аймгийн 4 дүгээр 10 жилийн дунд сургууль, 1997-2002 онд ОХУ-ын Кубанийн Их сургуулийг төгссөн. Эрх зүйч мэргэжилтэй. 2012-2013 онд Австрали улсын Квисландийн төв их сургуульд менежментээр мастер, 2005 онд ОХУ-ын Краснодар хотын Их сургуульд Хууль зүйн ухааны доктор цол тус тус хамгаалсан. 2002-2005 онд Мандваа ХХК төслийн менежер, 2006.01-2006.03 сард Улс төрийн боловсролын академид судлаач багш, 2006-2011сард Голомт банк ХХК-ийн Хуулийн хэлтэст хуульч, Хуулийн хэлтсийн захиралаар, 2013-2015 сард Голомт банкны Удирдлагын ажлын албаны зөвлөхөөр, 2015 сараас одоог хүртэл Өмгөөллийн Санхүүгийн Хуулийн Зөвлөх ХХН-д хуульч, гүйцэтгэх захирлаар ажиллаж байна. Нэр дэвшигч С.Батхүлэг нь Улсын дээд шүүхийн шүүгчийн сонгон шалгаруулалтын суурь болон тусгай шалгалтад Шүүхий мэргэжлийн хорооны нэгдсэн үнэлгээгээр 78.36 оноо авсан байна.