А.Амбасэлмаа. Сэлэнгэ аймагт халдварыг илрүүлэх ажил сайн явагдаж байгаа учраас халдвар авсан хүмүүсийн тоо нэмэгдэж байна

Эрүүл мэндийн яамнаас коронавирусийн халдварын нөхцөл байдлын талаар танилцуулж байна.

ХӨСҮТ-ийн Тандалт, судалгааны албаны дарга А.Амбасэлмаа:

11 сарын 10-аас хойш нийт 801 ойрын хавьтлыг илрүүлж, 40 орчим хувийг давтан шинжилгээнд оруулаад байна. Мөн 2 дахь хавьтал болох 2000 гаруй иргэдийг илрүүлээд шинжилгээ хийсэн. 19400 гаруй хүнийг хяналтын шинжилгээнд оруулаад байна. Ойрын хавьтлыг үргэлжлүүлэн хянах, тандах ажлыг хийсээр байна. Батлагдсан тохиолдол бүрт хавьтал авсан хүмүүсийн тоо нэмэгддэг. Ард иргэдийн хувьд бидний ажлыг дэмжиж байгаад баяртай байна. Сэлэнгэ аймагт халдварыг илрүүлэх ажил маш сайн явагдаж байгаа учраас халдвар авсан хүмүүсийн тоо нэмэгдэж байна. Шинжилгээг их хийснээр эрт илрүүлэг үр дүнтэй болж байна.

Амьсгалын аппарат хангалттай байна. Одоогийн байдлаар хүндэрч, амьсгалын аппаратанд орсон хүн байхгүй. Одоогийн байдлаар 169 аппарат байгаа бөгөөд тусламжаар 50 аппарат нэмж авсан.

Мэдээнд өгөх таны үнэлгээ?