Arslan.mn

ЖДҮХС-гаас 2020 онд зээл авах хүсэлт илгээсэн иргэд, аж ахуйн нэгжүүдийн төслийг сонгон шалгаруулах хорооны хурал өнөөдөр цахимаар эхэллээ. Энэ жил нийт 1,579 төсөл, 239 тэрбум төгрөгийн зээлийн хүсэлт ирүүлсэн ч тус сангаас 18 орчим тэрбум төгрөгийн зээл олгох боломжтой байгаа аж. 

Төсөл сонгон шалгаруулалт дөрвөн үе шаттай явагдсан байна. Нийт хүсэлт ирүүлсэн 1,579 төслөөс хоёрдугаар шатанд 400 орчим аж ахуйн нэгж тэнцжээ. Гуравдугаар шатны шалгаруулалтаар ЖДҮ хөгжүүлэх агентлагаас газар дээрх нарийвчилсан үнэлгээ хийснээр хамгийн өндөр оноо авсан 250 гаруй аж ахуйн нэгж тэнцсэн байна.

Эдгээр аж ахуйн нэгж өнөөдрийн хурлаар төслүүдээ танилцуулж, хамгаалах аж.