Arslan.mn

Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.01.12/ хийлээ.

ХӨСҮТ-ийн хүний их эмч Г.Хонгорзул: 

-Коронавирусийн халдварт бүх насныхан өртөх боломжтой. Тухайн халдварт өвчний эмнэлзүйн шинж  тэмдэг 14 хоногт илэрнэ. Монголчуудад дунджаар 4-5 хоногт эмнэлзүйн шинж тэмдэг илэрч байгаа.

• Халдварт өртсөн тохиолдолд эхний 1-2 хоногт халуурч, хоолой хүндүүрлэж, дотор муухайрна, зарим үед суулгах 
• Халдварын 3-4 дахь хоногт хоолой өвдөлт нэмэгдэх, сөөх 
• Халдварын 5 хоногт толгой эргэх, ядарч сульдах, халуурах хэм нэмэгдэх 
• Халдварын 6 хоногт цэр гарах, цээжээр өвдөх, амьсгаа давчдах зэрэг шинж тэмдэг илэрч байна.

Тухайн эмнэлзүйн шинж тэмдэг илэрсэн тохиолдолд яаран эрүүл мэндийн байгууллагад хандах шаардлагагүй. ХӨСҮТ-ийн тусгай дугаарт хандаж зөвлөгөө авах хэрэгтэй. Яаран эмнэлэгт хандах нь халдварт өртөх эрсдэлийг нэмэгдүүлж байгаа. 

Багтраатай,элэгний өвчлөлтэй, жирэмсэн, чихрийн шижин, мэдрэлийн эмгэгтэй, биеийн жингийн илүүдэлтэй хүмүүс хүндээр өвчилж байна.