Arslan.mn

ХХААХҮЯ-ны ХААДС-гийн дэд захирлууд болох Н.Алтанзагас, М.Цэрэндорж нар, Санхүү бүртгэл, хөрөнгө оруулалтын газрын дарга Ц.Бат-Эрдэнэ, Хууль, эрсдэл, өрийн удирдлагын газрын дарга Б.Энхбаяр, Амартүвшин тэргүүтэй албан тушаалтнуудтайгаа нийлж өнгөрсөн даваа гарагт ажлын байрандаа архиджээ.

Энэ талаар ЦЕГ-ын Хэвлэл, мэдээллийн төвийн дарга, дэд хурандаа Б.Баатархүү “Шалгалт дөнгөж эхэлж байгаа болохоор дэлгэрэнгүй мэдээлэл өгөх боломж хомс. Ямартай ч Хан-Уул дүүргийн Цагдаагийн газрын I хэлтсийн мөрдөгч нэр бүхий албан тушаалтнуудыг дуудаж дуудаж, тайлбар мэдүүлэг авч эхэлсэн” хэмээсэн юм.

Хөдөө аж ахуйг дэмжих сангийн удирдах ажилтнууд ажлын байрандаа архидаж, зодолдож танхайрсан талаарх мэдээллийн дагуу ХХААХҮ-ийн сайд З.Мэндсайханаас уг асуудалд ямар хариуцлага тооцох талаар тодруулахад тэрээр “Төрийн албан хаагчид төрийн албаны тухай хуулийн дагуу ажил үүргээ хариуцлагатай, ёс зүйтэй хийж гүйцэтгэх үүрэгтэй. Гэтэл ажлын байранд хариуцлага алдаж, зөрчил гаргалаа.

Гамшгаас хамгаалах бүх нийтийн байдлын зэрэгт шилжүүлсэн хугацаанд ажлын тусгай горимоор ажиллах талаар Засгийн газар, Улсын онцгой комиссоос гаргасан шийдвэр, чиглэлийг хэрэгжүүлж ажиллаагүй, хариуцсан байгууллагын төрийн албан хаагчдын ёс зүйн байдалд хяналт тавих үүргээ биелүүлээгүйн улмаас ХААДС-ийн зарим албан хаагчид ажлын хариуцлага алдсан, ёс зүйн зөрчил гаргасан тул сангийн захирал Н.Төмөрхүүд 2021 оны 2 дугаар сарын 16-ны өдрөөр тасалбар болгон ажлаас халах сахилгын шийтгэл ногдуулав.” хэмээлээ.