Arslan.mn

Энэ долоо хоногийн Даваа гарагаас эхлэн автомашины дугаарын дуудлага худалдааг ЗТХЯ, АТҮТ-өөс зохион байгуулж эхлүүлсэн.

Тодруулбал, 0001 УАР,  0011 УАР,  0041 УАР, 0071 УАР, 0101 УАР, 4141 УАР гэх мэт тээврийн хэрэгслийн улсын бүртгэлийн азын дугааруудыг  нээлттэй цахим дуудлага худалдаанд оруулж,  өнөөдрийн байдлаар цахим дуудлага худалданд 700 гаруй хүн оролцож, азын дугаарын үнэ 400 гаруй сая төгрөгт хүрсэн гэх мэдээлэл бий. 

Тухайлбал, 

• 0001 УАР дугаар -427 сая төгрөг
• 0101 УАР дугаар -64 сая төгрөг
• 0011 УАР дугаар 70 сая
• 2222 УАР - 52,650,000
• 0012 УАР - 16,500,000
• 1212 УАР - 10,100,000 сая төгрөгт хүрсэн юм.

Дуудлага худалдаанд оролцогчид дэнчин 50 мянган төгрөг төлж auction.transdep.mn сайтаар оролцдог ба хамгийн өндөр үнэ өгсөн оролцогч тухайн дуудлага худалдааны ялагч болдог. Худалдан авсан улсын дугаарын үнийг 24 цагийн дотор төлөн, “Улсын бүртгэлийн дугаар олгох гэрээ” байгуулснаар баталгааждаг юм.

Харин хоёрдугаар сарын 15-нд эхэлсэн дуудлага худалдаагаар нийт 60 дугаар үнэлэгдээд байгаагаас ердөө 10 орчим нь зарагджээ.

Ийнхүү дуудлага худалдааны зохион байгуулалт муу байсан нь автомашины дугаарын хий үнийн хөөсрөл үүсгэж, хэт өндөр үнэ өгч шалгарсан хүмүүс дугаараа авахгүй, дуудлага худалдаа нь цуцлагдаж байна.

Дуудлага худалдаагаар үнэлэгдсэн ч зарагдаагүй дугааруудыг дахин хуваарь гарган дуудлага худалдаагаар зарах болж байгаа аж.

Уг нь өнгөрсөн оны 10 дугаар сард Монгол улсын Ерөнхий сайд У.Хүрэлсүх автомашины азын дугааруудыг дуудлага худалдаагаар борлуулж, төвлөрсөн мөнгийг хөгжлийн бэрхшээлтэй хүүхэд, хүүхдийн хүчирхийллийн эсрэг зарцуулах үүргийг Зам тээвэр, хөгжлийн сайд Л.Халтарт өгч байсан. Гэтэл  Засгийн газраас өгсөн үүрэг чиглэлийг ЗТХ-ийн сайд Л.Халтар ийнхүү гүйцэтгэж чадсангүй бололтой...