Arslan.mn

Өчигдөр шөнө Говь-Алтай аймгийн хилийн цэргийн ангид болсон хэргийн талаар Цагдаагийн ерөнхий газрын Хэвлэл мэдээллийн албаны дарга Б.Баатархүү мэдээлэл өглөө.

Тэрбээр "4-р сарын 8-ны 22:58 цагт Говь-Алтай аймгийн цагдаагийн газарт Хилийн цэргийн дугаар ангийн постонд хүн нас барсан байна гэсэн дуудлага ирсэн. Дуудлагын дагуу аймгийн цагдаагийн газраас ажлын хэсэг гарч хэргийн газар ажилласан. Хэргийн газарт 34 настай хүн буудуулсан байдалтай нас барсан хэрэг үйлдэгдсэн.

Хэргийн газарт харуулын үүрэг гүйцэтгэж байсан цэргийн алба хаагчид галт зэвсэгтэй орхин явсан нөхцөл байдал тогтоогдсон. Аймгийн цагдаагийн газар хилийн цэргийн гэмт хэрэг үйлдэгдсэн байж болзошгүй сэжигтэй этгээдүүдийг эрэн сурважлах ажиллагаа явуулж байна.Цэргүүдийг баривчилсан гэдэг нь ташаа мэдээлэл. Мотоцикл хулгайлсан гэх мэдээлэл урьдчилсан байдлаар тогтоосон. Гол нь гэмт хэрэгт сэжиглэгдэж байгаа этгээдүүд байлдааны галт зэвсэг сумтай хэргийн газраас зугтсан учир энэ бол аюултай. Замдаа хүн амьтанд хохирол учруулах вий. Цагдаагийн газраас онцгой анхаарч сэжигтэй этгээдүүдийг баривчилахаар ажиллаж байна. Байлдааны галт зэвсэгтэй зугтсан этгээдүүдийг хохирол багатай баривчлах нь чухал байна" гэлээ.