Arslan.mn

Импортын бараан бүтээгдэхүүний үнэ огцом өссөн асуудлаар ШӨХТГ-ын дарга Б.Бат-Эрдэнэ алба хаагчдын хамтаар хяналт, шалгалт явуулж байна. Үүний үр дүнд ОХУ талаас орж ирж байгаа импортын бараа бүтээгдэхүүний тээвэрлэлтийг хариуцан ажиллаж байгаа Монголын авто тээвэрчдийн нэгдсэн холбоо болон гишүүн болох 11-н аж ахуйн нэгжид "Тээврийн үнийг үгсэн тогтоож хөөрөгдсөн'' асуудлаар Зөрчлийн хэрэг нээлээ. 

Мөн БНХАУ талаас орж ирж байгаа импортын бараа бүтээгдэхүүний тээвэрлэлтийг Замын-Үүдийн шуурхай штабаас эрх олгон оруулж гаргаж байгаа бөгөөд 2021.03.01-2021.04.10 хүртэлх хугацааны тээвэрлэлт хийсэн аж ахуйн нэгж, жолооч нарын мэдээлэлд суурилан үгсэн тохиролцож үнэ хөөрөгдсөн асуудлаар шалгалтын ажиллагаа явагдаж байна.