Сулинхээрийн отрядад алба хааж байсан цэрэг амиа хорложээ

Хилийн цэргийн 0168 дугаар анги буюу Дорноговь аймгийн Хатанбулаг сум дахь Сулинхээрийн отрядад алба хааж байсан зэрэг халагдахаасаа долоохон хоногийн өмнө амиа хорлосон харамсалтай хэрэг гарчээ.

Тодруулбал, өчигдөр 22.00 цагийн үед амиа алдсан байдалтай олдсон байна. Тухайн албан хаагч нь Өмнөговь аймгаас цэргийн албанд татагдсан 20 настай аж. Тэрээр “малаа эргээд ирье” гэж гараад малын хашаанд амиа хорлосон байжээ. Энэ талаар албаны хүмүүсээс тодруулахад "Тун удахгүй албан ёсоор мэдээлэл өгнө" гэлээ. Хэргийг тус аймгийн цагдаагийн хэлтэст шалгаж эхэлжээ.

Мэдээнд өгөх таны үнэлгээ?