Arslan.mn

Цагдаагийн байгууллагаас өндөржүүлсэн бэлэн байдлын үед улсын хэмжээнд Коронавируст цар тахалтай тэмцэх, урьдчилан сэргийлэх, олон нийтийн аюулгүй байдлыг хангах, хорио цээрийн дэглэм сахиулах чиглэлээр ажиллаж байна. 

Өндөржүүлсэн бэлэн байдлын хүрээнд улсын хэмжээнд өчигдөр буюу дөрөвдүгээр сарын 27-ны өдөр урьдчилан сэргийлэх, хорио цээрийн дэглэм сахиулах чиглэлээр ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албанаас гэмт хэргийн зөрчлийн 598 дуудлага, мэдээллийг шалгаж, 140 зөрчлийг илрүүлсэн байна.

Тухайлбал, дээрх хугацаанд ар гэрт нь 33 хүний хүлээлгэн өгч, зөрчил гаргасан 201 иргэнд 51,9500 мянган төгрөгийн торгууль ногдуулжээ.

Иргэдийг эрүүл, аюулгүй байдлаа ханган гэртээ байхыг Нийтийн хэв журам хамгаалах, олон нийтийн аюулгүй байдлыг хангах албанаас УРИАЛЖ байна.