Arslan.mn

Наймуулаа зугаалж яваад нэг нь Хэрлэн голд осолдож, нас баржээ.

Тодруулбал, Сүхбаатар аймгийн Түмэнцогт сумын Лхүмбэ багийн “Баянцагаан-Уул” гэдэг газар энэ сарын 27-ны өдрийн 17:00 цагийн орчим “Хэрлэн” голд 8 хүн зугаалж явснаас 1 хүн осолдсон тухай дуудлага Онцгой байдлын газарт ирсэн байна.

Улмаар аймгийн Онцгой байдлын газрын Түмэнцогт сум дахь Эрэн хайх, аврах бүлэг, Хэнтий аймгийн Онцгой байдлын газрын Эрэн хайх, аврах салбар, Түмэнцогт сум дахь цагдаагийн хэсгийн алба хаагчид, сумын Засаг даргын Тамгын газрын ажилтнууд, ар гэрийнхэн нийслэлийн Баянзүрх дүүргийн харьяат 31 настай эрэгтэй Т-г эрэн хайх ажиллагааг зохион байгуулж 06.29-ний өдрийн 20:16 цагт Дорнод аймгийн Хөлөнбуйр сумын  Батхаан багийн “Өндөр цэгц” гэдэг газраас цогцсыг олж Цагдаагийн байгууллагад шилжүүлэн өгчээ