Arslan.mn

Covid-19 улс орны эрүүл мэнд, эдийн засаг, нийгэмийн гээд олон салбарт хүндрэл учруулж байна. Хоёр он дамжин үргэлжилж буй цар тахлын улмаас цөөнгүй аж ахуйн нэгж орон тоогоо цомхотгох цаашлаад үйл ажиллагаагаа зогсоож, иргэд ажил орлогоо алдаж байна. Гэтэл иргэд, аж ахуйн нэгжүүд Засгийн газар болон УОК-оос гаргасан шийдвэрийг 2020 оны нэгдүгээр сараас хойш буюу хоёр жил орчмын хугацаанд  мөрдсөн.

Гэвч өнгөрсөн хугацаанд  үйл ажиллагаа явуулаагүйгээс ашиг орлогоо алдаж, түрээсийн зардал, зээлийн эргэн төлөлт зэрэгт дарлуулж тэсвэр алдарсан тэд “ТЭВЧЭЭР ТАСАРЛАА” хөдөлгөөнд нэгдээд байгаа юм.

Төв талбайд өнөөдөр /2021.06.30/ /хязгаарлалтад орсон бүх байгууллагуудын төлөөлөл болон залуучууд  "Тэвчээр тасарлаа" болон УОК-ийн шийдвэрийг эсэргүүцсэн “NONAADAM” хөдөлгөөний хүрээнд өөрсдийн үзэл бодлоо илэрхийлэх гэсэн залуучууд жагсаал зохион байгуулж байна.

Өнөөдрийн жагсаал дээр аж ахуйн нэгжүүдийн нэгдэл, хил гааль дээр гацсан бараагаа авж чадахгүй байгаа иргэд, болон цахим наадмыг зохион байгуулж хүүхдийн эрхийг зөрчиж буй үйлдлийг эсэргүүцэн мөн 2008 оны долдугаар сарын 1-ний өдөр амь насаа алдсан иргэдийн дурсгалд зориулж уг жагсаалыг зохион байгуулж байгаа гэжээ.