Arslan.mn

Баян-Өлгий аймгийн Засаг дарга захирамж гаргаж, маргаашаас буюу наймдугаар сарын 15-наас нийслэл болох бусад аймгаас ирэх хөдөлгөөнийг хаахаар болоод байна. 

Тус аймагт долдугаар сарын 30-наас хойш өдөрт илрэх КОВИД-19 халдварын тоо 100-аас дээш хэмжээгээр нэмэгдсэн. Өнгөрсөн 24 цагт л гэхэд 222 хүн шинээр өвчилж, нийт батлагдсан тохиолдлын тоо 4,999 болов. 

Ийнхүү аймаг бүхэлдээ халдварын өндөр эрсдэлтэй болсон тул наймдугаар сарын 15-ны 06:00 цагаас 24-ний өдрийн 22:00 цагт хүртэл аймгийн орох хөдөлгөөнийг түр хаахаар шийдвэрлэжээ.