Arslan.mn

Өнгөрсөн хоёрдугаар сарын 26-нд Зэвсэгт хүчний 031 дугаар ангид шинэ цэргүүдийг халагдах цэргүүд нь дэглэж буй бичлэг олон нийтийн сүлжээнд түгж, шуугиан тарьсан. Үүнтэй холбогдуулж, цэрэг дэглэсэн этгээдүүдэд хариуцлага тооцно гэдгээ Батлан хамгаалахын сайд Г.Сайханбаяр мэдэгдсэн юм.

Тус хэргийг дөрөвдүгээр сард Баянзүрх дүүргийн цагдаагийн газраас шалгаж, тавдугаар сард анхан шатны шүүхээр шийдвэрлэхдээ шүүгдэгч Э.Мөнхбаатарт Эрүүгийн хуулийн тусгай ангийн 28.3 дугаар зүйлийн 1 дэх хэсэгт зааснаар 6 сарын хугацаагаар хорих ял, шүүгдэгч Н.Одмандах, Ц.Энхбат нарт мөн хуулийн тусгай ангийн 28.4 дүгээр зүйлийн 1 дэх хэсэгт зааснаар 6 сарын хорих ял тус тус оногдуулж, уг хорих ялыг нээлттэй хорих байгууллагад эдлүүлэхээр шийдвэрлэсэн юм. Тэгвэл давж заалдах шатны шүүхээс тэднийг Өршөөлийн тухай хуульд хамруулж, ялаас чөлөөлжээ.