Arslan.mn

Монгол Улсын Ерөнхийлөгч У.Хүрэлсүх 2030 он хүртэл Монгол Улсад Тэрбум мод тарих үндэсний хөдөлгөөнийг өрнүүлэх уриалга гаргасан. Энэ хүрээнд Налайх дүүрэг дэх "Мод тарих" хөдөлгөөний нээлтийн үйл ажиллагаа болж байна.

Нээлтэнд Монгол Улсын Ерөнхийлөгчийн Гадаад бодлогын зөвлөх Э.Одбаяр, Эрүүл мэнд, Нийгмийн бодлогын зөвлөх Т.Мөнхсайхан, Барилга хот байгуулалтын дэд сайд Э.Золбоо, Налайх дүүргийн Иргэдийн төлөөлөгчийн хурлын дарга П.Нарантуяа, Налайх дүүргийн Засаг дарга Ч.Раднаабазар нар оролцлоо.

Налайх дүүрэгт мод тарих ажилд Барилга, хот байгуулалтын яам, Барилгын хөгжлийн төв, Газар зохион байгуулалт, геодези, зурагзүйн газар, ТОСК, Нийслэлийн газар зохион байгуулалтын албаны хамт олон оролцож, мод тарьж байна.