Arslan.mn

Өнгөрсөн мягмар гарагт АТГ-аас Худалдаа хөгжлийн банкны ТУЗ-ийн дарга Д.Эрдэнэбилэгээс мэдүүлэг аваад шөнө явуулсан. Түүнчлэн түүний хамаарал бүхий бизнесүүдийн удирдах албан тушаалтнуудаас мэдүүлэг авах, нэгжлэг хийх процесс болсон.

Тэгвэл өчигдөр үдээс хойш түүнийг цагдан хорих саналаа прокуророос шүүхэд хүргүүлсэн бөгөөд өнөөдөр буюу дөрөвдүгээр сарын 21-ний өдрийн 09:00 цагт Баянзүрх, Чингэлтэй, Сүхбаатар дүүргийн шүүхэд шүүнэ.

Прокуророос түүнд Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.3 дахь хэсэгт заасан “Гэмт хэрэг үйлдэж болзошгүй талаар үндэслэл бүхий баримт, мэдээлэл байгаа” гэх үндэслэлээр цагдан хорих саналаа ийн хүргүүлээд байна.