Arslan.mn

Гадаад хамтын ажиллагааны хүрээнд хилийн чанадад оршин суугаа Монгол Улсын иргэдэд зориулан “Нийгмийн хамгааллын салбарт хамтран ажиллах тухай хэлэлцээр” сэдэвт цахим сургалтыг 2022 оны 4 дүгээр сарын 26-ны өдөр зохион байгууллаа.

Сургалтыг Сургалт, олон нийт, хамтын ажиллагааны газрын дарга Д.Цэцэгбадам нээж, Үйлдвэрийн осол мэргэжлээс шалтгаалсан өвчний даатгал, Олон улсын хэлэлцээр хариуцсан мэргэжилтэн Т.Уянга, БНСУ дахь ХНХҮТ-ийн Нийгмийн даатгалын тасгийн Нийгмийн даатгалын шимтгэлийн орлого, тайлан мэдээ хариуцсан мэргэжилтэн М.Лхагвасүрэн нар нийгмийн хамгааллын салбарт хамтран ажиллах тухай хэлэлцээрүүд болон БНСУ дахь Нийгмийн даатгалын үйлчилгээний тухай танилцуулан иргэдийн сонирхсон асуултад хариулав.