Arslan.mn

 С.Чулуунд хариуцлага тооцуулахаар шаардлага хүргүүлж байна.

МУИС-ийн Антропологи, археологийн тэнхимийн Ахлах багш Г.Мөнх-Эрдэнэ “С.Чулуунд хариуцлага тооц гэдэг бичиг өгөхөөр ирлээ. С.Чулуунд хариуцлага тооцох асуудлыг үе үеийн ерөнхий сайд нарт журмын дагуу өгсөн. Гэтэл өнгөрсөн хоёр жилийн хугацаанд нэг ч хариу өгөөгүй. Бид зөвхөн Монгол Улсад хадгалагдаж байсан ховор нандин Манж Чин Улстай холбоотой 640000 хуудас архивын материалын БНХАУ руу гаргасан.

С.Чулууны Хятадад зарсан түүхийн баримтыг А4-ийн цаасаар хэвлээд давхарлаж тавихад Централ Таурын өндөртэй дүйцнэ. Өндөр Гэгээн Занабазарын намтартай холбоотой зөвхөн Монгол Улсад байдаг үнэт зүйлийг БНХАУ-руу гаргасан асуудал байна. Энэ асуудлаар холбогдох байгууллагуудын ажил маш удаашралтай байна” гэлээ.

2020 оны УИХ-ын сонгуулийн дараа Засгийн газар байгуулахдаа хамгийн их асуудал дагуулсан нэгэн сайдыг томилсон нь Соёлын сайд С.Чулуун байв.