Arslan.mn

Монгол Улсын Засгийн газрын 2020-2024 оны үйл ажиллагааны хөтөлбөрт тусгасан “ Эрүүл чийрэг хүн”, “ Эрүүл идэвхтэй амьдрал” арга хэмжээний хүрээнд Эрүүл мэндийн сайдын санаачилгаар “Явган аялал 2022”, “Эрүүл мэндийнхээ төлөө-Алхангаа ярилцъя”, “Дугуйн аялал 2022”, “Цагаан нөмрөгтнүүд 2022” зэрэг арга хэмжээг энэ сарын турш зохион байгуулна.

Энэ хүрээнд өнөөдөр ЭМЯ-ны харьяа төв эмнэлэг, тусгай мэргэшлийн төв, агeнтлагууд болон ДЭМБ-ын Номхон далайн баруун бүсийн захирал Такеши Касай зэрэг албаны хүмүүс Үндэсний цэцэрлэгт хүрээлэнд иргэд олон нийтэд эрүүл идэвхтэй амьдрах, эрүүл зан үйлийг хэвшүүлэх, дадлыг бий болгох зорилгын дор алхангаа ярилцъя явган аялалд нэгдэж, мэдээлэл зөвлөгөө өгч байна.

Манай улсын 15-69 насны хүн амын 21.9% нь хөдөлгөөний хомсдолтой, амралт чөлөөт цагаараа идэвхтэй хөдөлгөөн хийдэггүйгээс 49.4% нь илүүдэл жинтэй гэсэн судалгаа байдаг. Иймд өдөрт 10000-аас дээш алхам алхах нь эрүүл мэндэд тустай гэж ДЭМБ-аас зөвлөж байна.

Иймд эрүүл мэндийнхээ төлөө идэвхтэй дасгал хөдөлгөөнд нэгдэхийг танд уриалж байна.