Arslan.mn

Дарханы замын тендертэй холбогдуулан ЗТХЯ-ны зарим албан тушаалтнуудын өрөөнд яг одоо прокурорын зөвшөөрөлтэйгээр НЭГЖЛЭГ хийж байна. 

Тэгвэл АТГ-аас ЗТХЯ-аас замын ажлын үнэлгээний хорооны гишүүд болох Ч.Сугармаа, Л.Баянзул нарын нэр бүхий хүмүүсийн албан өрөөнд нэгжлэг хийж байгаа юм байна. 

Сануулахад, Ерөнхий сайд Л.Оюун-Эрдэнэ өнгөрсөн долдугаар сарын 27-ны Засгийн газрын хуралдаанаар Дарханы замын бүтээн байгуулалт болон Зүүнбаян-Гашуунсухайт чиглэлийн төмөр замын бүтээн байгуулалтын ажлууд удааширсантай холбоотой "алдагдсан боломж"-ийн өртгийг тооцоолж, албан тушаалтнуудыг шалгах ажлыг Авлигатай тэмцэх газарт даалгасан.

Тодруулбал, бүтээн байгуулалтууд удааширч, хойшлогдох болсон шалтгаанд албан тушаалтнуудын ашиг сонирхлын зөрчил байсан эсэхийг ийнхүү шалгуулахаар болсон юм.