Arslan.mn

ЦЕГ-ын Эрүүгийн цагдаагийн албанаас хуурамч архи үйлдвэрлэн борлуулж байсан бүлэг этгээдүүдийг урд шөнө бөривчилсан билээ. 

Тодруулбал, шалгалтын явцад иргэн М.Энхболд, М.Энхбат нар нь Баянзүрх дүүргийн 2-р хороонд байрлах хувийн байшин түрээслэн үйлдвэрлэлийн бус аргаар, эрүүл ахуйн шаардлага хангаагүй орчинд архи үйлдвэрлэж, хуурамч акц наан захын гэр хорооллын дэлгүүрүүдээр худалдан борлуулдаг байжээ. 

ЭЦА-аас дээрх байршилд нэгжлэг хийн 2500 орчим "Амуу буудай" нэртэй онцгой албан татварын тэмдэгтүүд, хаяг шошго, их хэмжээний архийг хураан авсан байна. Хууль бусаар үйлдвэрлэл явуулж байсан дээрх этгээдүүдийг 461-р хориход саатуулаад байгаа аж. 

Иргэд чанарын шаардлага хангахгүй, үйлдвэрлэгч нь тодорхойгүй, хямд үнэтэй согтууруулах ундааг хэрэглэхгүй байхыг анхааруулж байна.