Arslan.mn

Боловсролын сангийн зээлийн мэдээлэл олон нийтэд ил болж багагүй дуулиан дэгдээгээд байгаа билээ. Тэгвэл ИНЕГ-ын сургалтын төлбөрийн асуудлыг АТГ-аас шалгаж эхэлжээ.

ИНЕГ-ын даргын үүргийг гүйцэтгэгч Ч.Мөнхтуяад ХЗДХ-ийн яамнаас суралцагчдын нэрсийг ил болгохыг зөвлөсөн. Гэвч тэрбээр одоо суралцаж буй 14-хөн хүүхдийн жагсаалтыг гаргасан байдаг.

Тодруулбал, ИНЕГ-ын үе үеийн дарга нар нисэхийн чиглэлээр ажилтан, мэргэжилтэн бэлтгэхдээ сонгон шалгаруулалтаа нээлттэй, ил тод зарлалгүй дандаа өөрсдийн хамаарал бүхий хүүхдүүдээ явуулж ирсэн нь болж таарч байна.

• 2015 онд 62 хүүхдийг 3,3 тэрбум төгрөгөөр,
• 2016 онд 57 хүүхдийг 1,8 тэрбум төгрөгөөр
• 2017 онд 11 хүүхдийг 370 сая төгрөгөөр
• 2018 онд 17 хүүхдийг 753 сая төгрөгөөр
• 2019, 2020, онуудад 1,92 тэрбум төгрөгөөр сургажээ.