Arslan.mn

"ПетроЧайна Дачин Тамсаг" ХХК-иас химийн аюултай бодисонд хордсон их хэмжээний зээрийг шөнийн цагаар нууцаар булах гэж байна гэх мэдээлэл цахим орчинд тархсан. Манай сурвалжлах баг Дорнод аймагт ажилласан бөгөөд зээл хорогдсон шалтгааныг тодруулах ажлыг хийж байгаа талаар албаныхан мэдээлж байсан.

Дорнод аймагт болсон уг асуудлаар Монгол Улсын Засгийн газраас ажлын хэсгийг байгуулж шалгалтын ажиллагааг явуулж байна.

Газрын тосны бүтээгдэхүүн хуваах гэрээт 19 дүгээр талбайд ажиллаж, зэрлэг амьтан их хэмжээгээр хорогдсон шалтгаан нөхцөлийг тодорхойлох ажлын хэсгийн явцын талаар БОАЖЯ-наас мэдээлэл өглөө.

БОАЖЯ-ны холбогдох хэлтсийн дарга:

-Дорнод аймагт үйл ажиллагаа явуулж буй "ПетроЧайна Дачин Тамсаг" ХХК-ийн газрын тосны бүтээгдэхүүн хуваах гэрээт 19 дүгээр талбай дээр 2022 онд яамны Төрийн нарийн бичгийн даргаар ахлуулсан ажлын хэсэг ажилласан. Улмаар устгах шаардлагатай 32 нэр төрлийн 592 тонн химийн бодис хадгалагдаж байсныг устгах шаардлагыг хүргүүлсэн. "ПетроЧайна Дачин Тамсаг" ХХК эдгээр химийн бодисуудыг 2009 оноос импортлон оруулж ирсэн. Хадгалалтын буруутай үйл ажиллагаанаас шалтгаалан ашиглалтын шаардлага хангахгүй аюултай хэмжээнд хүрсэн байсан.

2022 оны зургаадугаар сар хүртэл Монгол улсад аюултай хог хаягдлыг устгах тусгай зөвшөөрөлтэй ААН байгууллага байгаагүй. Дархан-Уул аймагт өнгөрсөн оноос "Элемент" ХХК аюултай хог хаягдлыг устгах тусгай зөвшөөрөл авснаар үйл ажиллагаагаа явуулж эхэлсэн. Ингэснээр дээрх 32 нэр төрлийн 577 тонн аюултай хог хаягдлыг устгасан талаарх мэдээллийг бидэнд ирүүлсэн байна.

Төв аймгийн Сэргэлэн суманд аюултай хог хаягдлыг устгах үйлдвэрийг байгуулахаар бэлтгэл ажлаа хангаж байна.

Харин зээр олноор үхсэн асуудал дээр хяналт шалгалтын ажлын хэсгийн дүн, шинжилгээний дүн эцэслэж гараагүй байна гэлээ.

ВИДЕО: