Arslan.mn

БЗС-ийн мэдээлэл нийтэд хүрч, шүүмжлэл дагуулаад байна. Тэгвэл үүний араас ИНЕГ-ын тэтгэлгээр суралцсан хүмүүсийн мэдээллийг ирэх баасан гарагт нийтэд мэдээлэх талаар салбарын сайд мэдээллээ.

Тухайлбал, Иргэний нисэхийн ерөнхий газар /ИНЕГ/-ын зардлаар

• 2015 онд 62 хүнд 3.3 тэрбум,
• 2016 онд 57 хүнд 1.8 тэрбум,
• 2017 онд 11 хүнд 370 сая,
• 2018 онд 17 хүнд 753 сая,
• 2019, 2020, онуудад 1.92 тэрбум төгрөгийн сургалтын төлбөрийн зээл олгож сургасан байгаа юм.

Тодруулбал, ИНЕГ-ын дарга нар хүүхдүүдээ сургахын тулд жилд 1-2 тэрбумын төсөв гарган баталдаг байна. Энэ мөнгөөр үе үеийн дарга нарынх нь хүүхдүүд гадаадын их дээд сургуулиудад суралцжээ. 

Тухайлбал, эл жагсаалтыг олны танил гэдгээрээ УИХ-ын гишүүн асан, Иргэдийн оролцооны нэгдэл намын дарга Ц.Оюунгэрэлийн хүү, дүү хоёр тэргүүлж байгаа аж.

Түүний  хүү Б.Идэр-Од нь 2006-2010 онд ИНЕГ-ын 40,000-50,000 ам доллар буюу одоогийн ханшаар 174 сая төгрөгийн тэтгэлгээр АНУ-ын Канзасын Их сургуульд Нисэхийн инженерээр суралцжээ.

Төрсөн дүү Цэдэндамбын Бат нь  2007-2009 онд  тус газраас 28,000 ам долларын зээл авч, Канад улсын нисэхийн их сургуульд  суралцжээ.