Arslan.mn

"GS-25" сүлжээ дэлгүүрээр үйлчлүүлж буй ахимаг насны эмэгтэй тус дэлгүүрийн худалдагч эмэгтэйг хэл амаар доромжилж буй бичлэг өнгөрсөн амралтын өдрүүдэд цахим орчинд тавигдсан.

Мөн тэрбээр хэл амаар доромжлохоос гадна хутга барьж, дайрч буй бичлэг нь ч цацагдсан юм. Дээрх үйлдэлд цагдаагийн байгууллагаас зөрчлийн хэрэг нээн шалгалтын ажиллагаа явуулж эхэлсэн байдаг. 

Тэгвэл үйлчилгээний ажилтантай зүй бус харьцсан гэх иргэн Д.Нямаа нь  Боловсрол судлаачдын холбоо ТББ-ын тэргүүнээр ажилладаг бөгөөд  залилангийн хэргээр шүүхээс 10 жилийн хорих ялаар шийтгүүлж байсан аж.

Тодруулбал, жирийн дэглэмтэй эмэгтэйчүүдийн хорих ангид ял эдлүүлэх Улсын дээд шүүхийн шийдвэр 2013 оны зургадугаар сарын 28-ны өдөр гарсан бөгөөд диплом, мэргэжлийн үнэмлэх, сертификат зэргийг хуурамчаар үйлдэн 23 сая төгрөгийн хохирол учруулсан хэргээр шүүхээс ял сонсож байжээ.

Эх сурвалжийн мэдээлснээр түүнийг цагдан хоригдсон 474 хоногийг ял эдэлсэн хугацаанд тооцсон учир жил орчмын өмнө суллагдсан аж.

Шийхийн шийдвэрийн эндээс үзэх боломжтой.