Arslan.mn

Өнгөрсөн долоо хоногт "Гацуурт" компанийн захирал Л.Чинбат морьтой иргэдийг машинаараа дайрахаар оролдсон гэх гомдол цагдаагийн байгууллагад бүртгэгдэж, шалгалтын ажиллагааг явуулж эхэлсэн нь олны анхаарлын төвд байна.

Мөн түүнийг хил давж зугтсан талаарх мэдээлэл гарч буй. Энэ хэргийн талаар өнөөдөр цагдаагийн байгууллагаас мэдээлэл өгсөн юм. Түүнийг гурван зүйл ангиар шалгаж байна.

Тэгвэл энэ талаар Монгол Улсын Ерөнхий сайд асан С.Баяр байр сууриа илэрхийлжээ. Тэрээр "Гайхаж сууна. Атрын гуравдугаар аяныг эхлүүлэхэд надад тус дэм болсон олон ААН, олон хүн байдаг. Тэрний нэг нь энэ Чинбаа. Одоо юу болоод байгаа талаар мэдэх юм алга. Тэр бол сагсуу гар лав биш. "Ийм ажилсаг, тэр тусмаа эрсдэл дүүрэн энээ ажлаа тэргүүн технологиор хийе гэх зоригтой, тууштай хүн олон байвал Монгол улсын маань газар тариалан хөгжинө" гэж бодож байсан. Тэр бодол маань хэвээр" гэлээ.