Arslan.mn

Сүүлийн жилүүдэд эрс нэмэгдэж байгаа дотоодын аялал зугаалга, Үндэсний их баяр наадам бүх нийтээр амрах өдрүүдтэй холбоотой орон нутгийн замд зам тээврийн осол, хэргийн улмаас иргэдийн амь нас, эрүүл мэнд, эд хөрөнгөд хохирол учрах эрсдэл өндөр хэвээр байна.

Иймд БЗД-ийн Замын цагдаагийн хэлтсээс гэмт хэрэг, зөрчлөөс урьдчилан сэргийлэх чиглэлээр энэ онд хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг зөрчлөөс урьдчилан сэргийлэх, таслан зогсоох чиглэлээр орон нутгийн зам, хөдөлгөөний соёл нэгдсэн арга хэмжээг зохион байгуулахаар төлөвлөж, энэхүү төлөвлөгөөний хүрээнд "Нэг зам-Нэг соёл" аяныг эхлүүлж байна.

Өнөөдөр буюу 07-р сарын 14-ний өдөр иргэдийн зам тээврийн осол, хэргийн улмаас амь нас, эд хөрөнгө хохирохоос урьдчилан сэргийлэх хөдөлгөөнд оролцогчдын буруу дадал, хандлагыг өөрчлөх, зөв үйлдэлд уриалах, иргэдийн эрх зүйн мэдлэгийг дээшлүүлэх, сурталчлан таниулах "Нэг зам-Нэг соёл" арга хэмжээ нь Налайх дүүргийн нутаг дэвсгэрт болон Төв аймгийн Сэргэлэн сум 4-р зөрлөгт зохион байгуулагдаж байна. 

Энэхүү арга хэмжээг дэмжин оролцогчоор

•  Тоёота Land 200 & prado club,
• Toyota Harrier club, Lx RX club,
• Mongolin Moto club, жүжигчин Сөрөлт,
• FLY хамтлаг,
• Дуучин Гантогоо нар дэмжиж оролцож байгаа юм.

Иргэд та бүхнийг замын хөдөлгөөний дүрмийг баримталж, зам гэсэн нэг л жимээр бие биеэ хүндэтгэн замын хөдөлгөөнд соёлтой оролцохыг уриалж байна.