Arslan.mn

Нийслэлийн автозамын түгжрэлийг бууруулах ажлын хүрээнд нийтийн тээврийн парк шинэчлэлийг хийхээр болж 2022,2023 онд нийт 224 шинэ автобусыг үйлчилгээнд гаргасан.

Харин хоёрдугаар ээлжийн 80 автобус 2023 оны 9 дүгээр сарын 26-ны өдөр Улаанбаатарт орж ирсэн бөгөөд тус автобус нь БНСУ-ын Young An корпорацын ZYLE Daewoo Bus компанид үйлдвэрлэдэг, 2023 оны шинэ загвар болох Евро-5 стандартынх хэмээн Зорчигч тээврийн нэтгэлээс мэдээлж байв. 

Гэвч 2023 оны цоо шинэ гэгдэх уг автобус нь засаж, янзалсан хуучин автобус байжээ. 

Э.Бат-Оргил: Хуучин автобус оруулж ирж байгаа гэх мэдээлэл ташаа

Шинэ автобусны техникийн үзүүлэлтийн талаар “Зорчигч тээврийн нэгтгэл” ОНӨААТҮГ-ын ашиглалтын инженер Э.Бат-Оргил:

-Шинэ ногоон автобуснууд нь БНСУ-ын “Daewoo” компанийнх. Тус компани нь дэлхийн долоон оронд салбар үйлдвэртэй. Энэ бол “Daewoo” компанийн Вьетнамд угсралт хийсэн автобус. Шинэ автобус, техник хэрэгсэл ямар байдаг, тэр дагуу бүгд шинэ, бас хуулгатай, бичиг баримттай. Автобусны гэрэл нь лед, таван паартай, дулаалгын тусгай материал ашигласан. Өмнө нь бол дулаалгад хөөсөнцөр ашигладаг байсан. Үйлдвэрлэлийн явцын бичлэгүүдийг манайд ирүүлсэн. Суудлын бүрээс сайжруулсан лидрен материал" хэмээн мэдээлэл өгч байсан билээ. 

Тэгвэл энэхүү түгжрэлийг шийдэх ногоон автобус нь хуучин, зузаан замасктай гучин жилийн насжилттай нь серийн дугаараараа батлагджээ. "Ж.Сүхбаатар сайдын Иргэдийг хөнгөхөн хуурчих санаа нь бүтэлгүйтээд байгаа бололтой".