Arslan.mn

Уул уурхай, хүнд үйлдвэрийн сайд, УИХ-ын гишүүн Ж.Ганбаатар өчигдөр /2023.10.09/ "Mining week-2023" чуулга уулзалтын үеэр сэтгүүлчдэд мэдээлэл өгсөн юм.

Тэрбээр, Засгийн газраас есдүгээр сарын 20-ны өдөр ОХУ-аас шатахууныг хязгаарласан тогтоол гаргасан. Энэ тогтоолын дагуу дизель түлшийг хамруулахгүйгээр, АИ-92 шатахуун хамрагдаж байна гэдгийг би хэлсэн. ОХУ-ын Володин дарга Монголд ирэхдээ АИ-92 шатахууны хязгаарлалтад Монгол Улсыг хамруулахгүй байхыг амласан. ОХУ-ын Засгийн газрын тогтоол тийм амархан шийдэгддэг асуудал биш байна. Гэхдээ бид ажилласаар байгаад өнгөрсөн долоо хоногийн пүрэв гарагт Засгийн газрын тогтоолд өөрчлөлт оруулж, АИ-92 шатахууны асуудал жигдэрсэн. Өчигдөр/10.08/ гэхэд ОХУ-аас 92 вагон АИ-92 шатахуун орж ирсэн бол өнөөдөр/10.09/ 62 вагон орж ирсэн. Томоохон импортлогч болох "Петровис" болон "Шунхлай" компаниудад АИ-92 шатахууны нөөц байгаа.

Харин "Сод монгол" компанид нөөц байгаагүй. Хувийн хэвшил учраас заавал нөөцөө ханга гэж шаардах боломжгүй. Өнөөдөр/өчигдөр/-өөс бүх зүйл жигдэрч байгаа. ОХУ-аас Монгол руу шатахуун, түлш ачигдахгүй долоо хоноход энд улаан гэрэл асдаг. Бид хангалттай нөөцтэй байсан учраас 20 хоног тэслээ хэмээн мэдэгдэв.