Arslan.mn

Булган аймгийн Гурван булаг сумын харьяат, аймгийн арслан А.Отгонбаатар хоёр хүүхдийнхээ ээжийг хэвтэрт ортол нь зодож, тархийг нь хагалсан хэрэг гарсан талаар бид өмнө мэдээлсэн. 

Тэгвэл эхнэрийнх нь биеийн байдлын талаар ойрынх нь эх сурвалжаас тодруулахад "Эхнэр нь сэтгэл санааны хувьд хүнд байгаа. Тархиа том хагалуулсан учраас ГССҮТ-д хэвтэж байхдаа оёо тавиулсан. Мөн гар, биеийг нь битүү зүссэн, цохьсон хөх няц хавдартай учраас олигтой хөдөлж чадахгүй байгаа гэв. Одоогоор түүний эхнэр, хүүхдүүд нь Улаанбаатар хотод ирж эмчлүүлж, тусдаа амьдарч байгаа тул гэр бүлийн хүчирхийллийн хэргийг Булган аймагт биш харьяалаллыг нь өөрчлөөд Улаанбаатар хотод шалгаж өгөх хүсэлтээ цагдаагийн байгууллагад өгсөн байна. Хэрэг болсноос хойш Булган аймгийн арслан А.Отгонбаатар удаа дараа утсаар дарамталж, "ганц цохилт даахгүй юун сүртэй юм бэ" хэмээн үгээр доромжилж, сэтгэл зүйн дарамт үзүүлсэн талаар эхнэрийнх нь ойрын эх сурвалжаас мэдээллээ. 

Аймгийн арслан А.Отгонбаатарын хувьд удаа дараа гэр бүлийн хүчирхийллийн хэрэг, зөрчил гаргадаг байсан талаар түүний ойрын найз нөхөд, гэр бүлийн найзууд нь хэлж байсан юм.