Arslan.mn

Сонгинохайрхан дүүргээс хоёр ч удаа НИТХ-д сонгогдсон М.Говьсайхан тойргоо сольж, Сүхбаатар дүүрэгт өрсөлдөхөөр болжээ.

Түүнийг хүмүүс НОСК-ийн дарга болмогцоо Буянт-Ухаа 2” хорооллын 1000 орчим өрхийг байрнаасаа гар гэх утга бүхий гэрээ байгуулж, дахин сунгахгүй гэсэн тайлбар өгч байснаар нь таних нь олонтаа. 

Түүний хувьд 2016, 2020 онуудад Сонгинохайрхан дүүргээс НИТХ-д сонгогдон сууж байсан юм. Харин энэ жил тэрээр тойргоо сольж, УИХ-ын гишүүн, Сүхбаатар дүүргийн МАН-ын хорооны дарга Н.Учралыг бараадаж, сандал суудалд залрах хүслээ биелүүлэхээр улайран буй. 

Тэрээр тойргоо сольсон шалтгаан нь өмнө нь сонгогдсон тойрогтоо юу ч хийгээгүйгээс үүдэлтэй хэмээн зарим эх сурвалжууд хэлж буй. Тойргоо сольж, том хүнийг дагасан түүнийг Сүхбаатар дүүргийнхэн сонгох болов уу... 

Иргэдээ төлөөлж, ихийг хийнэ гэж суудалд очдог ч сандал суудалд залраад ирэхээрээ иргэдээсээ зугтааж, тэдний эсрэг ажиллах түүнд итгэх хүлээлгэх иргэд хэр олон бол гэдэг нь сонирхолтой байна.