Arslan.mn

"Мотор Сервис" ХХК орон нутгийн болон нийслэлийн замын ажлыг гүйцэтгэхээр Төрийн сангаас нийт 29 тэрбум төгрөг авсан талаар баримт ил болсон.

Энэ талаар Шилэн Цогоо "Мотор Сервис" ХХК харин ёстой Мотортой юм шиг компани байна даа.  Хот хөдөөгийн замын ажлыг бол хуу хамдаг л юм байна. Одоогийн байдлаар 23,925,568,719 төгрөгийг Төрийн сангаас авсан байна.  Мөн нийслэлээс 6,444,660,946 төгрөг тус тус авчээ.

Нөгөө бордюр, долгиотой зам, явган хүний дутуу орхисон замууд бололтой юм." гэжээ.

Тэгвэл бид  “Мотор сервис “ компанийг судалж үзвэл, 2006 оны гуравдугаар сарын 6-нд үүсгэн байгуулагдсан. Анх Гадаад худалдаа, автозамын чиглэлээр үйл ажиллагаа явуулахаар Улаанбаатар, Сүхбаатар дүүргийн наймдугаар хороо, 07 тоот хаяг дээр бүртгүүлж байжээ. Харин 2014 онд Авто замын 2.8.1, 2.8.3, 2.8.4, 2.8.5, 2.8.7 дах заалтын дагуу үйл ажиллагаагаа өргөжүүлсэн байна. Хувьцаа эзэмшигчээр нь, Жанчивдорж Лхагвасүрэн, Дамдинсүрэн Доржбат, Манал Алтангэрэл нар бүртгэлтэй байна.

Харин гүйцэтгэх захирлаар нь Дамдинсүрэнгийн Доржбат 2019 оноос ажиллаж байгаа аж.

Манай компани нь авто замаас гадна орон нутаг болон Улаанбаатар хотын зам гүүрний ажлуудын ихэнхийг авдаг аж.

Тухайлбал, Нийслэлийн авто замын түгжрэлийг бууруулах ажлын хүрээнд Нийслэлийн төсвийн хөрөнгөөр хийгдэж  саяхан ашиглалтад орсон Яармагийн шинэ гүүр буюу  ”Наадамчдын авто замаас Энхтайваны өргөн чөлөө хүртэлх авто замын гүүрийн барилгын ажлыг гүйцэтгэжээ.

Сонирхолтой нь, “Мотор сервис” ХХК-аас бага үнийн саналыг хоёр ч компани гаргажээ. Тодруулбал, “Эйч Кэ Би интернэшнл холдинг” ХХК, “Бодьпропертийз” ХХК Яармагийн шинэ гүүрийг 75 тэрбумаар барих санал хүргүүлсэн ч хасагдаж, 77.8 тэрбумын санал хүргүүлсэн “Мотор сервис “ компани шалгарсан байна.

Мөн өнгөрсөн жил Баянзүрх дүүрэгт хэдхэн хормын дотор үерлэж, автобус, автомашинууд үерт "алдсан" Монелийн замыг "Мотор Сервис" ХХК 2019 онд 6.2 тэрбум төгрөгөөр барьж, ашиглалтад оруулаад байжээ.