Arslan.mn

Дулааны цахилгаан станцууд ачааллаа дийлэхээ больж, алдагдалд орсон гэх асуудал сүүлийн хэдэн жил яригдаж байна. Гэвч тус салбарын асуудалд төдийлөн анхааралгүй явсаар энэ жилээс нийслэлчүүд цахилгаанаа хязгаарлуулж, өвлийн хүйтэнд халаалтгүй болж, хот хөлдөх эрсдэл үүсээд байгааг албаныхан учирлаж байна.

Тэгвэл бид тэг зогсолт хийх нөхцөлд хүрсэн гэх "ДЦС-3” ТӨХК-ийн Гүйцэтгэх захирал Л.Эрхбаатар болон Ерөнхий инженер  Н.Чимэддорж нарын  АТГ-т мэдүүлсэн 2023 оны Хөрөнгө орлогын мэдүүлгийг танилцуулъя.

 Л.Эрхбаатар нь 2021 оны 08 дугаар сарын 02-ны өдрөөс “ДЦС-3” ТӨХК-ийн Гүйцэтгэх захирлаар томилогдон ажиллаж байгаа бол Н.Чимэддорж нь 2021 оны 11 сараас  ДЦС-2  ТӨХК-ийн Ерөнхий инженер, 2023 оны 03 сараас ДЦС-3 ТӨХК-ийн ерөнхий инженерээр ажиллаж байна.

""ДЦС-3” ТӨХК-ийн Гүйцэтгэх захирал Л.Эрхбаатар  755 сая төгрөгийн ҮЛ ХӨДЛӨХ хөрөнгөтэй, 105 сая төгрөгийн үнэ бүхий  4 эзэмших газартай"

Тэрбээр 2023 оны хөрөнгө орлогын мэдүүлэгтээ “өөрөө 144 сая төгрөгийн орлоготой гэсэн бол гэр бүлийн орлогоо 73 сая хэмээн мэдүүлжээ. 

Мөн 755 сая төгрөгийн  үнэ бүхий  нэг орон сууц, авто зогсоолтой,  өөрийн гэсэн тээврийн хэрэгсэлгүй хэмээн мэдүүлжээ.

Мөн 105 сая төгрөгийн үнэ бүхий  4 эзэмших газартай,  33 сая төгрөгөөр үнэлэгдэх  /Үхэр-28, Хонь-50, Хурдан удмын адуу-4 / малтай, 40 сая төгрөгийн үнэт эдлэлтэй гэжээ.

Түүнчлэн 21 сая төгрөгийн хадгаламжтай, 337 сая төгрөгийн зээлтэй байна. 

Ерөнхий инженер Н.Чимэддорж 76 сая төгрөгийн орлоготой, 225 сая төгрөгийн хадгаламжтай"

Тэрбээр 2023 оны хөрөнгө орлогын мэдүүлэгтээ “өөрөө 76 сая төгрөгийн орлоготой гэсэн бол гэр бүлийн орлогоо 43 сая хэмээн мэдүүлжээ. 

Мөн 128 сая төгрөгийн  үнэ бүхий  нэг орон сууц, авто зогсоолтой, 68 сая төгрөгөөр үнэлэгдэх Toyota, Harrier маркийн  2 машинтай  хэмээн мэдүүлжээ.

Мөн 2 сая төгрөгөөр үнэлэгдэх эзэмших газартай, малгүй, 4 сая төгрөгийн үнэт эдлэлтэй гэжээ.

Түүнчлэн 225 сая төгрөгийн хадгаламжтай, 48 сая төгрөгийн авлага,  25 сая төгрөгийн зээлтэй байна.