Arslan.mn

Зам засвар шинэчлэлийн ажилтай холбоотойгоор орон нутгийн тээвэрлэлт хийх байршилд өөрчлөлт оржээ. Тодруулбал, нийслэлийн Сонгинохайрхан дүүргийн 20 дугаар хороо, Номин агуулахын урдах зам засварын хучилтын ажил өнөөдөр /2024.10.31/ 00:00 цаг хүртэл үргэлжилнэ. Тиймээс Номин авто буудлаас эхлэлтэй орон нутгийн чиглэлд Драгон автобусны буудлаас хөдлөж байгааг Авто тээврийн үндэсний төвөөс анхаарууллаа.

Тухайлбал Архангай, Баян-Өлгий, Баянхонгор, Говь-Алтай, Завхан, Өвөрхангай, Увс, Ховд зэрэг аймгийн чиглэлд Драгон авто буудлаас тээвэрлэлт хийнэ.