Arslan.mn

Цагдаагийн алба хаагчийн ажил, мэргэжлийн ур чадвар, бие бялдар, сэтгэл зүйн тэсвэр хатуужлыг дээшлүүлэх, олон талт үүрэг гүйцэтгэх чадварыг нэмэгдүүлэх зорилгоор “Цагдаа бэлтгэлжилт-2024” цогцолбор тэмцээн зохион байгуулагдлаа.

Энэ цогцолбор тэмцээн нь энэ оны 11 дүгээр сарын 29-ний өдөр Цагдаа, дотоодын цэргийн сургалтын нэгдсэн төвийн “Нарстай ам” дахь хээрийн сургалтын хэсэгт зохион байгуулагдсан юм.

Уг тэмцээнд дүүргийн цагдаагийн газар, хэлтсийн 18 байгууллагын 144 алба хаагч, 2 үе шаттай өрсөлдөж, Хууль эрх зүйн мэдлэг, Гадаад хэлний мэдлэг, Компьютер дээр ажиллах чадвар, есөн төрөлт буухиа тэмцээн зэрэг нийт 4 төрлөөр ур чадвараа сорьсон юм.

Тус тэмцээний “Тэргүүн байр”-т Баянзүрх дүүргийн цагдаагийн газрын хоёрдугаар хэлтсийн баг тамирчид;

“Дэд байр”-т Чингэлтэй дүүргийн цагдаагийн газрын хоёрдугаар хэлтсийн баг тамирчид;

“Гутгаар байр”-т Налайх дүүргийн цагдаагийн хэлтсийн баг тамирчид;

Шилдэг эрэгтэй тамирчнаар Чингэлтэй дүүргийн цагдаагийн газрын нэгдүгээр хэлтсийн эргүүлийн офицер, цагдаагийн ахмад Ц.Ганжаргал;

Шилдэг эмэгтэй тамирчнаар Нийслэлийн цагдаагийн удирдах газрын Эрүүлжүүлэх саатуулах төвийн жижүүрийн цагдаа, цагдаагийн дэд ахлагч П.Сувданчимэг нар тус тус шалгарлаа.

Тэмцээнд амжилттай оролцсон баг, дасгалжуулагч, тамирчдадаа баяр хүргэж, цаашдын ажилд нь амжилт хүсье.