Arslan.mn

Нутаг дэвсгэр хариуцсан цагдаагийн байгууллагын удирдах ажилтны бүсийн зөвлөгөөнийг хэлэлцүүлэг хэлбэрээр Монгол Улсын Их Хурлын 2024 оны 64 дүгээр тогтоолоор батлагдсан “Монгол Улсын бүсчилсэн хөгжлийн үзэл баримтлал”-д заагдсан бүсчлэлийн хүрээнд “Нутаг дэвсгэр хариуцсан цагдаагийн байгууллагын удирдах ажилтны бүсийн зөвлөгөөн”-ийг зохион байгуулж байна.

Зөвлөгөөний нээлт өнөөдөр /2024.12.12/ Нийслэлийн цагдаагийн удирдах газарт болж, Цагдаагийн ерөнхий газрын Тэргүүн дэд дарга, бригадын генерал Ц.Ням-Очир, Цагдаагийн ерөнхий газрын Дэд бөгөөд Нийслэлийн цагдаагийн удирдах газрын дарга, цагдаагийн хурандаа О.Ганбат, Нийслэлийн Иргэдийн төлөөлөгчдийн хурлын Нарийн бичгийн дарга бөгөөд, Ажлын албаны дарга Б.Батбямба болон дүүргийн цагдаагийн газар, хэлтсийн тасаг, хэлтэс, газрын дарга нар, нийт 126 албан тушаалтан оролцлоо.

Энэхүү зөвлөгөөнөөр “Байгууллагын ёс зүй ба ажилтны хандлага”, “Байгууллага, алба хаагчийн аюулгүй байдал, эрх, хууль ёсны ашиг сонирхол, харилцаа, хандлага, ёс зүй, “Хиймэл оюун ухаан /AI/, технологийн шилжилт”, “Цахим гэмт хэрэгтэй тэмцэх нь”, “14 хот, 3 дагуул хот, 42 хороолол” зэрэг сэдвээр оролцогчдод мэдээлэл хүргэж байна. Нутаг дэвсгэр хариуцсан цагдаагийн байгууллагын удирдах ажилтны бүсийн зөвлөгөөнийг төсгөлд бүсийн онцлог, тулгамдаж буй асуудлаа тодорхойлж, 2025 онд авч хэрэгжүүлэх ажил, арга хэмжээ гарган, хэрхэн хэрэгжүүлэх талаар хэлэлцэж, батлах юм.