Arslan.mn

Монгол улсад Нийтийн аж ахуйн салбар үүсч хөгжсөний 93 жилийн ойг тохиолдуулан ажил мэргэжлээ олон нийтэд сурталчлан таниулах, оршин суугч хэрэглэгчдэд хүргэх үйлчилгээний хүртээмжээ сайжруулан, мэдээ мэдээллээр хангах зорилгоор ХЭРЭГЛЭГЧЭЭ СОНСЪЁ нээлттэй хаалганы өдөрлөгийг 19 Хэрэглэгчдэд үйлчлэх төвүүд дээр зохион байгуулж ажиллалаа.

Мөн тус өдөрлөгийн хүрээнд хэрэглэгчдээс санал хүсэлтийг хүлээн авч шийдвэрлэх, зөвлөмж хүргэх, ус дулаан ариутгах татуургын төлбөртэй үйлчилгээнд хөнгөлт үзүүлэх, гэрээ байгуулах, усны тоолуур баталгаажуулах зэрэг арга хэмжээг газар дээр нь хүргэж ажиллалаа. Зохион байгуулсан: Хот байгуулалт, барилга, орон сууцжуулалтын яам, Хот, суурины ус хангамж, ариутгах татуургын ашиглалт, үйлчилгээг зохицуулах хороо, Орон сууц нийтийн аж ахуйн удирдах газар ОНӨААТҮГ болон Хэрэглэгчдэд үйлчлэх төвүүд