Arslan.mn

Баянзүрх дүүргийн цагдаагийн газар 2024 оны “Үйл ажиллагааны тайлангийн хурал”-аа зохион байгуулж, “Тэргүүний хамт олон”, “Тэргүүний алба хаагч”-ийг шалгаруулж, шагнал гардууллаа.

Тайлангийн хуралд Монгол Улсын Их Хурлын гишүүн Э.Бат-Амгалан, Нийслэлийн Иргэдийн Төлөөлөгчдийн Хурлын дарга А.Баяр, Нийслэлийн цагдаагийн удирдах газрын Дэд бөгөөд Захиргааны удирдлагын газрын дарга, цагдаагийн хурандаа Ц.Сугаржав, дүүргийн Засаг дарга Г.Жаргалсайхан болон бусад зочид, төлөөлөгчид оролцлоо.

Энэхүү удаагийн тайлангийн хуралд алба хаагчдын ар гэрийн гишүүдийг урин оролцуулж, “Тэргүүний алба хаагч”-аар шалгарсан алба хаагчийн гэр бүлд “Халамжит хань”, “Элбэрэлт ээж”, “Ачлалт аав” талархал хадгалуулж, баяр хүргэсэн явдал нь онцлог байлаа.Тус цагдаагийн газрын дарга, цагдаагийн дэд хурандаа П.Нэмэхбаатар хэлсэн үгэндээ Манай хамт олон 2024 онд зөв төлөвлөлт, оновчтой зохион байгуулалттайгаар ажилласны үр дүнд улсын хэмжээнд зохион байгуулагдсан “Ногоон бүс”, "Алба хаагч-Таны төлөө", “Урьдчилан сэргийлэх-3”, “Хянамгай байя” зэрэг аян, нэгдсэн арга хэмжээнүүдэд “Тэргүүн” байр эзэлсэн амжилт бүтээлээр дүүрэн жил байсныг онцлон тэмдэглэлээ.

Шагнагдсан алба хаагч болон түүний гэр бүлд баяр хүргэж, цаашдын ажил хөдөлмөрт нь тэгш дүүрэн амжилт, амьдралд нь хишиг дүүрэн аз жаргалыг хүсэн ерөөлөө.