Arslan.mn

Шүүх шинжилгээний байгууллага тайлангийн хурлаа өнөөдөр /2024.12.27/ зохион байгуулж, 2024 онд хийж хэрэгжүүлсэн ажил, арга хэмжээ, ололт амжилтаа дүгнэн хэлэлцэж, ирэх оны зорилго, зорилтоо тодорхойллоо.

Мөн энэ үеэр Монгол Улсын Ерөнхийлөгчийн зарлигаар шагнагдсан 38 алба хаагч, ахмад ажилтнуудад Төрийн дээд одон, медаль гардуулан өгч, албан тушаалын тодорхойлолт, төрийн жинхэнэ албан хаагчийн гүйцэтгэлийн төлөвлөгөөнд заасан зорилго, зорилтоо амжилттай хэрэгжүүлэн, сахилга, ёс зүйн зөрчилгүй, идэвх зүтгэл, үр бүтээл гарган энэ онд бусдыгаа манлайлан ажилласан “Тэргүүний хамт олон”, “Хөдөлмөрийн аварга”, “Ажил мэргэжлийн аварга” болон “Оны онцлох” алба хаагч нарыг шагнаж, урамшууллаа.

Нийгэмд шударга ёсыг бэхжүүлэх, хүний эрх, эрх чөлөө, хууль ёсны ашиг сонирхлыг хамгаалах шинжлэх ухааны баталгаа болсон алба хаагч Та бүхэнд ажлын амжилт хүсэн ерөөе.