Arslan.mn

Хуучин он улиран одож шинэ он айлчлан ирэхэд 24 цаг хүрэхгүй хугацаа үлдээд байна. Уншигч та бүхэндээ нэгэн сонирхолтой тоон мэдээллийг хүргэж байна.

Тодруулбал,  2024 оны арванхоёрдугаар сарын 31-ны өдрийн байдлаар Монгол Улсад Шинэжил нэртэй 195 хүн байдаг байна.

Харин Цасанохин нэртэй таван хүн байдаг аж. Тэгвэл Шинэ-Он нэртэй долоон хүн байна гэж Үндэсний статистикийн хорооны мэдээлэлд дурджээ. Өвөл нэртэй хоёр хүн байдаг бол Цасхан нэртэй 21 хүн байдаг гэж Үндэсний статистикийн хорооны мэдээлэлд бүртгэгдсэн байна.

2024 онд төрсөн хүүхдүүдийн хамгийн түгээмэл нэрсийг сонирхуулахад, эрэгтэй хүүхдэд Хангай, Тэнүүн, Тогтуун, Түшиг, Эрхэс гэх нэрсийг хамгийн түгээмэл өгсөн байна. Тэгвэл охидод Амин-Эрдэнэ, Анхилуун, Сондор, Мишээл, Аялгуу гэх нэрсийг хамгийн түгээмэл өгсөн гэж Үндэсний статистикийн хорооны мэдээлэлд дурджээ.