Arslan.mn

Анх удаа орон сууц худалдан авсан бол 6 сая хүртэлх төгрөг, хүүхэд тань оюутан болж сургалтын төлбөрийг нь төлсөн бол 10 хүртэлх хувийн буцаан олголт авах хүсэлтийг энэ оны нэгдүгээр сарын 1-нээс авч эхэлсэн. Буцаан олголт авахад бүрдүүлэх шаардлагатай материалын мэдээллийг хүргэж байна. 

Анх удаа амьдрах зориулалтаар орон сууц худалдаж авсан иргэд хуулийн дагуу хувь хүний орлогын албан татварын хөнгөлөлт эдэлж, 6 сая хүртэлх төгрөгийг буцаан авах боломжтой.

Буцаан олголтыг авахын тулд Цахим тайлангийн системд нэвтэрч 2025.02.15-ны дотор тайлангаа гаргах шаардлагатай юм.

Тайлан гаргахад:

1. Иргэний үнэмлэх /ХУР системээс автоматаар татагдана/
2. Нийгмийн даатгалын лавлагаа /ХУР системээс автоматаар татагдана/
3. Үл хөдлөх эд хөрөнгийн лавлагааг  /ХУР системээс Ү-дугаараар автоматаар татагдана/
4. Борлуулагчаас цахим төлбөрийн баримт авсан байх /ДДТД сугалааны дугаарыг талбарт оруулна/
5. Үл хөдлөх эд хөрөнгө борлуулсны хоёр хувийн татвар төлсөн баримт /төлбөрийн даалгаврын дугаар/

Татвар төлөгчийн бүрдүүлэх материал:

1. Худалдах - Худалдан авах гэрээ /нотариат/
2. Орлого нотлох баримт /Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна/
3. Цахим тайлан гаргах, илгээх /e-tax.mta.mn/
4. Буцаан олголт авах хүсэлт /цахим тайлангийн хавсралтаар байна.

Эхний таван мэдээллийг цахим тайлангийн системээс автоматаар татах боломжтой.

Амьдран суух зориулалттай байр, орон сууц барьсан бол:

• "Иргэний үнэмлэх” ХУР системээс автомат
• "НД-ын лавлагаа” ХУР системээс автомат
• "Үл хөдлөх эд хөрөнгийн лавлагааг” ХУР системээс Ү-дугаараар автомат
• Дээрх мэдээлэл нь цахим тайлангийн системд татах үйлдэл хийснээр автоматаар татагдана.

Татвар төлөгчийн бүрдүүлэх материал:

• "Хөрөнгийн үнэлгээний тайлан” үнэлгээчнээр үнэлүүлэх
• "Орлого нотлох баримт” Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна.
• Цахим тайлан гаргах, илгээх /e-tax.mta.mn/
• Буцаан олголт авах хүсэлт /цахим тайлангийн хавсралтаар байна

ОЮУТНЫ СУРГАЛТЫН ТӨЛБӨРИЙН БУЦААН ОЛГОЛТ АВАХАД: 

Буцаан олголтыг авахын тулд Цахим тайлангийн системд нэвтэрч 2025.02.15-ны дотор тайлангаа гаргах шаардлагатай юм.

Тайлан гаргахад:

1. Иргэний үнэмлэх /ХУР системээс автоматаар татагдана/
2. Нийгмийн даатгалын лавлагаа /ХУР системээс автоматаар татагдана/

Татвар төлөгчийн бүрдүүлэх материал:

1. Цахим тайлан гаргах, илгээх /e-tax.mta.mn/
2. Сургуулийн тодорхойлолт
3. Сургалтын төлбөр төлсөн баримт
4. Буцаан олголт авах хүсэлт /цахим тайлангийн хавсралтаар байна/

Шаардлагатай тохиолдолд:
a. Дагавар, үрчилж авсан хүүхэд болон асран хамгаалагчаар тогтоогдсон асрамж, дэмжлэгт байгаа хүүхэдтэй бол засаг даргын тодорхойлолт /файлаар/
b. Орлого нотлох баримт

Татвар төлөгчийн бүрдүүлэх материал:

1. Цахим тайлан гаргах, илгээх /e-tax.mta.mn/
2. Буцаан олголт авах хүсэлт /цахим тайлангийн хавсралтаар байна/.

Татвар төлөгч иргэн 2025.02.15-ны дотор тайлангаа гаргаж, хүсэлтээ явуулах шаардлагатай.