Arslan.mn

Мэдээлэл, Технологийн Үндэсний Парк /МТҮП/-ийн захирал Ж.Золзаяа болон  "Өргөө-2" кино театр хоорондын талбайн түрээсийн асуудлаарх маргааны шүүх хурал өчигдөр боллоо.

Тэгвэл өчигдөр Мэдээллийн технологийн үндэсний парк өөрийн байрыг буцаан авах нь зүйтэй гэж Иргэний хэргийн анхан шатны шүүх шийдвэрлэжээ.  

Энэ тухай тус паркийн захирал Ж.Золзаяа “Шүүхээс “Өргөө 2”-ыг албадан чөлөөлж, Мэдээлэл технологийн үндэсний парк өөрийн байраа буцаан авах нь зүйтэй гэх шийдвэр гаргалаа. Шүүхийн шийдвэр бичгээр 14 хоногийн дараа албажин гарна. Бичгээр гарсны дараа давж заалдах шатны шүүхэд хариуцагч тал гомдол гаргах эсэхээс шалгаалж маргаан цааш үргэлжлэх  эсэх нь тодорхой болно. Чих тавин хүлээж байсан салбарындаа баярлалаа. Өдийг хүртэл дэмжиж байсан бүх хүмүүстээ баярлалаа. Хамт олондоо хайртай шүү. Мэдээллийн технологийн салбар яллаа” гэжээ.

Мэдээллийн Мэдээллийн Технологийн Үндэсний Парк  2012 оноос хойш Нью Тур Сафарис ХХК нь /Өргөө-2/ кино театрын зориулалтаар өөрийн байрны хойд хэсгийн талбайг нэг 5,000-9,000 төгрөгөөр түрээсэлж байгаа аж. Харин одоогийн үнэлгээгээр МТҮП-ийн1 мкВ-ын үндсэн үнэ нь 49,500 төгрөг. 

 Гэвч уг гэрээ 2022 онд дууссан ч Нью Тур Сафарис ХХК нь /Өргөө-2/ байрнаас гараагүй бөгөөд Мэдээллийн Мэдээллийн Технологийн Үндэсний Паркаас гэрээнд заагаагүй 5.1 тэрбум төгрөгийг нэхэмжилжээ.

Эргэн сануулахад,  "Өргөө-2" кинотеатр бол УИХ-ын гишүүн Ц.Анандбазарын бизнес. Хоёр дахь салбараа ийн 12 жилийн өмнө, МТҮП-ын талбайд явуулж эхэлснээс хойш гурав дахь салбараа ч хөл дээр нь тогтоосон. Гэвч татвараа төлүүлж, м.кв-ыг нь наймхан мянган төгрөгөөр түрээслэх маягаар явж ирсэн. Мөн бусад залуус багтахгүй, өөр газар, өндөр үнээр оффис түрээслэн ажиллаж байгааг Ж.Золзаяа хэлж байсан билээ.