Arslan.mn

Хэрэг бүртгэх албаны харьяа нэгжид шинээр томилогдсон алба хаагчид зарим төрлийн хөнгөн хэрэгт мөрдөн шалгах ажиллагаа явуулж эхлэхтэй холбогдуулан Цагдаагийн ерөнхий газрын Хэрэг бүртгэх албанаас Эрүү шүүлтээс урьдчилан сэргийлэх Үндэсний ажиллагаа, "Эрүү шүүлтээс урьдчилан сэргийлэх нийгэмлэг" олон улсын байгууллагатай хамтран “Мөрдөн шалгах, мэдээлэл цуглуулах ажиллагаанд үр дүнтэй ярилцлага хийх зарчмуудыг Монгол улсын цагдаагийн байгууллагын үйл ажиллагаанд нутагшуулах нь” сэдэвт сургалтыг зохион байгуулж байна.

Сургалтад Хэрэг бүртгэх албаны харьяа нэгжийн нийт 90 гаруй алба хаагчид танхимаар болон цахимаар хамрагдаж байна.

Хүний эрхийн Үндэсний Комиссын Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмэн сургалтыг нээж, алба хаагчдад үйл ажиллагаандаа хүний эрхийг ханган ажиллахыг онцоллоо. 

Сургалтыг “Эрүү шүүлтээс урьдчилан сэргийлэх нийгэмлэг” Олон улсын байгууллагын ахлах зөвлөх Бэн Баклад удирдан явуулсан нь онцлог байлаа.

Энэ үеэр ЦЕГ-ын Хэрэг бүртгэх албаны дарга, цагдаагийн хурандаа Б.Оюутболд " Цадаагийн байгууллагаас 2025 онд "хамтдаа хөгжье" уриатайгаар хүний эрх тэгш байдал, тогтвортой шуурхай байдлыг хангах чиглэлийг зорилт болгон дэвшүүлэн  ажиллан байна. Энэ хүрээнд хэрэг хянан шийдвэрлэх ажиллагааны үеэр хүний эрх зөрчигдөх, эрүү шүүлтээс урьдчилан сэргийлэх, алба хаагчдад хүний эрхийн мэдрэмжтэй байх дадал, чадвар эзэмшүүлэх чиглэлээр энэ  сургалтыг зохион байгуулж байна.

Хэрэг хянан шийдвэрлэх ажиллагааны явцад мөрдөгч, эрх бүхий албан тушаалтан хүний эрхийг зөрчсөн нь тогтоогдсон тохиолдолд хуулийн хариуцлага хүлээнэ" гэдгийг онцлов.