Arslan.mn

Өнгөрсөн Бямба гарагаас эхлэн нэгэн сонирхолтой бүтээгдэхүүнийг Японы Unicharm корпорац худалдаанд гаргаад байна. Unicharm корпорац нь Японы улсын эрүүл ахуйн бүтээгдэхүүн үйлдвэрлэгч бөгөөд дэлхийн анхны дахин боловсруулагддаг живхийг улсын баруун өмнөд бүсийн дэлгүүрүүдээр худалдаалж эхэлсэн байна. 

Энэхүү живх “horizontal recycling” буюу хэрэглэсэн бүтээгдэхүүнийг буцаагаад ижил шинэ бүтээгдэхүүн болгон боловсруулах зарчмаар бүтээгдсэн гэнэ. 

Энэхүү хэрэглэсэн живхийг дахин боловсруулах үйл ажиллагааг хамтран зохион байгуулахаар Кагошима мужийн хоёр дүүргийн захиргаатай тохиролцсон аж. Эдгээр үйлдвэрт озон ашиглан бактерийг устгах, үнэр арилгах тусгай технологийг хэрэглэх юм. 

42 ширхэгтэй хүүхдийн живхний нэг багцын үнэ 1,078 иен буюу 7 орчим ам.долларын үнэтэй.